بهلوانات في سيرك
إننا نحيا حياتنا اليومية فى سيرك كبير، هل هناك سيرك أكبر من السيرك الذى نعيش فيه ! إن كان فى سلوكيات الناس اللى ماشيين على أرجلهم أو راكبين سيارات أوحتى طيارات ..ألفاظ أيه .. وأدب أيه..شىء بصراحه يسر !
كنت أحاول اللحاق به بينما نسير بأحد شوارع القاهرة الصاخبة ، وهو يرفع صوته لكى أسمعه ...
الأولاد يريدون الذهاب إلى السيرك ! ( قلت لزوجي الذي أجابني وهو يسرع الخطا )
- سيرك ؟؟ هل هناك سيرك أكبر من السيرك الذى نعيش فيه إننا نحيا حياتنا اليومية فى سيرك كبير أنظرى حولك .الشارع سيرك .. إن كان فى مطباته أوحفره ..فلا يخلو شارع واحد منها .. أو فى القمامه على الصفين التى أصبحت زينة الشوارع بدلاً من الأشجار والزهور .. أو فى المياه القذرة التى لاتعرف لها مصدر إن كانت بلاعة مجارى أومواسير ضاربه ... نحن في سيرك كبير .. إن كان فى سلوكيات الناس اللى ماشيين على أرجلهم أو راكبين سيارات أوحتى طيارات ..ألفاظ أيه .. وأدب أيه..شىء بصراحه يسر . سيرك كبير .. والله سيرك .. فى زحمة المرور والإشارات وفى ضيق الصدور والعبارات بس إسمعها مره ومرتين وبعدين ربنا يستر عليك وعلى السامعين ..
والكل بيقول مستعجلين وعلى الشغل رايحيين إحنا دولة موظفين .. والحقيقه إحنا كلنا عارفين .. لاعندنا شغل ولاشغالين هذا سيرك وإحنا بهلوانات محتارين والله سيرك .. إسمعى أنا تعبت من الكلام مفيش فايده.. !
- وماذا نفعل هذه بلدنا.... هذه آخر فرصه للأولاد للتغيير قبل إمتحاناتهم
- أجابني حاااضر .. نروح السيرك.. وكانت أول مره أدخل فيها السيرك أنا وهو أول مرة فى حياتى والسبب أولادى..! وخرجت من السيرك وأنا حزينة .. حزن عظيم.. السيرك ؟؟ لقد ظلمتهم ظلم مبين
- ( قلت له ) بالسيرك بهلوانات مجتهدين وجادين وموهوبين ومنظمين ومهذبين وبحياتهم مخاطرين , دول مننا ولا منين ؟ مقارنتنا بهم ظالمة لهم وخاطئة ولهذا الإعتذار واجب إليهم جميعا.. وقفت للحظه بالشارع بعدما خرجت من السيرك أحاول أن أجد وصفا لحالنا ولما وصلنا إليه ... لم أجد لنا وصفاً... إيه السبب ومين؟ الجواب لايخفى على أحد لكن أبداً الناس اللي في الشارع مُش همه دول المصريين .. حقيقى أنا أعتذر إلى البهلوان إعتذار واجب !
وصلنا .؟ لسه شوية !!!
