المجلس الأعلى للإعلام والنقابة وقناة النهاريحققون مع الإعلامى تامر أمين
يبدو أن تكرار إعتذار الإعلامى تامر أمين ، عما بدر منه فى حق أبناء الصعيد، يبدو أن ذلك لن يحول دون تحقيق جاد معه ، فقد امر المجلس الأعلى للإعلام ونقابة الإعلاميين وإدارة قناة النهار التى يعمل بها الإعلامى بالتحقيق معه وإيقافه عن العمل لحين إنتهاء التحقيق
وكالات الأنباء :
فى آخر تحديث لأخبار موضوع الإعلامى تامر أمين . قررت إدارة قناة النهار وقف برنامج الإعلامى تامر أمين لحين إنتهاء التحقيق معه وكذلك خصم شهر من راتبه، والتبرع به لإحدى الجمعيات الخيرية .
وكان تامر وخلال برنامجه التلفزيونى آخر النهار يتناول أزمة الزيادة السكانية وتطرق الى الصعيد قائلا
" يعني للأسف الشديد وأنا بقول هذا الكلام ومتزعلوش مني في الريف وفي الصعيد فيه نسبة كبيرة جدا بيخلفوا أولاد وبنات مش عشان يصرفوا عليهم ولا عشان يدخلوهم التعليم ويتعلموا ويكبروا ويتوظفوا أو يبقى عندهم فرص عمل..لا.. ده بيخلفوهم عشان العيال دي هي اللي تصرف على الأب والأم.. وفيه أسر كتير كتير قوي بيخلف الولد وأول ما الولد ده يبقى عنده 5 أو 6 سنين 7 سنين بالكتير، يقوم هوب راميه على ورشة ورشة سمكرة ..ورشة حداداة.. ورشة دوكو ..ورشة إصلاح سيارات.. يشتغل فواعلي.. يشتغل في البنا.. يشتغل في المعمار.. المهم يشتغل واللي بنسميه إعلاميا بلية.. عارفين الواد بلية.. اللي هو صبي المعلم وصبي الأسطى.. فيروح والأسطى آخر الشهر يديله 500 جنيه أو 1000 جنيه أو 700 جنيه.. ماهو واد صغير 7 سنين.. وياخد الواد الصغير الألف جنيه ويعمل إيه.. يروح يرميهم في حجر ابوه "
وبعد ساعات قامت الدنيا ولم تقعد على صفحات السوشيال ميديا . وشعر تامر بخطأه فبادر بإعتذاره من أهل الصعيد خاصة وكرر إعتذاره مرار على صفحة قناة النهار قائلا :
"والله ما أقصدتش الإهانه أبدأ، ودى آخر حاجة تيجى على دماغى، وآخر حاجة في الدنيا إن يبقى حد صعيدى زعلان منى، فانا بقول لكل صعيدى وصعيدية جزمتكم على راسى من فوق، وأنا ابنكم وأنا ابن ريف مصر، ونسايبى أساسًا من الصعيد مرات أخويا من الصعيد وبتشرف بيها وبالنسب دا".
والأمر فى إنتظار إستكمال التحقيق مع تامر من الجهات الثلاث .
